Michl's - Das Lokal für Fans

Du wüst wissen wos i gern hob
Was i brauch, von wos i tram
wo mir meine Sö so wehtuat
und die Schwachstelln bei mir san

Fragst mi wo i amoi hin wü
wo i war und was i mach
ob i's Herz a hab wo's hingheat
und i vielleicht a für di lach

---
Bitte frag net soiche Sachn
wo ma jede Antwort föht
bin ka Buach und ka Computer
sondern wer der Fragen stellt
---

I wü wissen wos du gern host
was du brauchst, an wos du denkst
wo dir deine Sö so weh tuat
und worüber du di kränkst

Zag ma wo du amoi hinwüst
wo du warst und was du tuast
is dei herz a do wo's hingheat?
und wiesost jetzt locha muast

Sog ma ob du liabe Freind host
was du gern zum trinka wüst
wer du bist und was du hacklst
ob's d' a gern mim Leben spüst.

---
Aber du sagst bloß
Bitte frag net soiche Sachn
wo ma jede Antwort föht
bin ka Buach und ka Computer
sondern wer der Fragen stellt
---

by Zenzi van Alm